มูลายปฏิกสฺสนารหวตฺตกถาวณฺณนา

[86] อตฺตโน อตฺตโน นวกตรนฺติ ปาริวาสิกาทินวกตรํฯ ปฐมํ สงฺฆมชฺเฌ ปริวาสํ คเหตฺวา นิกฺขิตฺตวตฺเตน ปุน เอกสฺสปิ สนฺติเก สมาทิยิตุํ, นิกฺขิปิตุญฺจ วฏฺฏติฯ มานตฺเต ปน นิกฺขิปิตุํ วฏฺฏติฯ อูเน คเณ จรณโทสตฺตา น คเหตุนฺติ เอเกฯ ปฐมํ อาทินฺนวตฺตํ เอกสฺส สนฺติเก ยถา นิกฺขิปิตุํ วฏฺฏติ, ตถา สมาทิยิตุมฺปิ วฏฺฏตีติ โปราณคณฺฐิปเทฯ

ปาริวาสิกกฺขนฺธกวณฺณนา นิฏฺฐิตาฯ

3. สมุจฺจยกฺขนฺธกวณฺณนา